“Növbəti ilin dövlət büdcəsində dörd mədaxil mənbəyində azalma nəzərdə tutulur”.
“Qafqazinfo” xəbər verir ki, bunu Hesablama Palatasının sədri Vüqar Gülməmmədov Milli Məclisin Gənclər və idman, İctimai birliklər və dini qurumlar, Mədəniyyət komitələlərinin birgə iclasında 2025-ci ilin büdcə müzakirələri zamanı deyib.
“Təhlillərimiz əsaslı vəsait qoyuluşu xərclərinin icrasında cari ildə də müəyyən problemlərin olduğunu deməyə əsas verir. Cari ilin doqquz ayında bu istiqamətdə illik proqnozun 47,7%-i icra edilib. Dövlət əsaslı vəsait qoyuluşu xərclərindən 38 sifarişçi üzrə 360 layihənin maliyyələşdirilməsi nəzərdə tutulub.
2024-cü ilin 9 ayında 19 sifarişçi üzrə icrası 25%-dən aşağı olan 130 layihəyə illik nəzərdə tutulan 494,7 mln. manat vəsaitə qarşı icra 6,9 mln. manat və ya 1,4% təşkil edib. Bu layihələrin tərkibində 19 sifarişçi üzrə 108 layihənin maliyyələşməsi üçün illik nəzərdə tutulmuş 404,4 mln. manata qarşı 9 ayda ümumiyyətlə icra olunmayıb”, - deyə V.Gülməmmədov bildirib.
Nuranə Daxilqızı
