Cənubi Koreya Şimali Koreyanın Rusiyaya əlavə haubitsa və çoxsaylı reaktiv yaylım atəşi sistemləri göndərdiyini iddia edib.
"Operativ Məlumat Mərkəzi-OMM" xarici KİV-ə istinadən xəbər verir ki, Cənubi Koreya Milli Kəşfiyyat Xidməti Rusiyaya göndərilən təxminən 11 min Şimali Koreya əsgərinin Rusiya əsgərləri ilə birlikdə Ukraynaya qarşı döyüşməyə başladığını açıqlayıb.
Ölən və ya yaralanan koreyalı əsgərlərin sayının müəyyən edilməsi üçün işlərin davam etdiyi bildirilib.
Şimali Koreya lideri Kim Çen Inın yenidən Rusiyaya səfər edə biləcəyi bildirilir.
