ABŞ Rusiyanın hava hücumu təhlükəsi səbəbindən Ukraynadakı səfirliyini müvəqqəti bağlayıb.
“Bu gün Ukraynaya güclü raket zərbəsi endirilə bilər, biz konkret məlumatlar əldə etmişik”, – ABŞ-ın Kiyevdəki səfirliyindən bildiriblər.
Dövlət Departamentinin göstərişinə uyğun olaraq, Kiyevdəki səfirlik fəaliyyətini dayandırıb, ölkədəki amerikalı əməkdaşlara və vətəndaşlara hava hücumu xəbərdarlığı zamanı dərhal sığınmağa hazır olmaq tapşırılıb. Bu qərar potensial hava hücumu təhlükəsi ilə bağlı alınan məlumat əsasında qəbul edilib.
Rusiyadan güclü hücum gözləntiləri fonunda Kiyevdəki İtaliya, Yunanıstan və İspaniya səfirlikləri də bağlanıb.
