İtaliyanın Kiyevdəki səfirliyi də ABŞ-ın kütləvi raket hücumu riski ilə bağlı məlumat yaymasından sonra noyabrın 20-də işləməmək qərarına gəlib.
Turkustan.az xəbər verir ki, “European Pravda”nın verdiyi məlumata görə, bu barədə İtaliya Xarici İşlər Nazirliyinin bəyanatında deyilir. Bildirildiyi kimi, İtaliyanın Kiyevdəki səfirliyi ehtiyat tədbiri olaraq çərşənbə günü bağlı qalacaq.
"Hava hücumu xəbərdarlığı halında, ölkədə olan bütün İtaliya vətəndaşlarına riskin azaldılması üçün ciddi tədbirlərə riayət etmələri və dərhal ən yaxın sığınacağa köçmələri tövsiyə olunur". Eyni zamanda, bəyanatda əmin edilib ki, gələcəkdə Kiyevdəki səfirlik öz işini davam etdirəcək.
Bundan əvvəl ABŞ Ukraynadakı vətəndaşlarını noyabrın 20-də Rusiya Federasiyasından böyük hava hücumu riski ilə əlaqədar maksimum ehtiyatlı olmağa çağırmışdı və buna görə səfirlik də bağlanmışdı.
Daha sonra İspaniya və Yunanıstan səfirlikləri də bağlandıqlarını elan etmişdi.
Aytən Yaşar/ Turkustan.az
