"Bayern" Levekuzen "Bayer"inin futbolçusu Florian Virtzi transfer etmək istəyir.
"Operativ Məlumat Mərkəzi-OMM" "Sky" nəşrinə istinadən xəbər verir ki, klubun gələcək yay üçün ən böyük transfer hədəfi Virtzdir.
Münxen klubu artıq 21 yaşlı futbolçunun nümayəndəsi olan atası ilə təmaslara başlayıb.
Xatırladaq ki, Florian Virtzin adı bir müddətdir "Real" ilə anılır.
"Bayer"in keçən mövsüm qazandığı çempionluqda böyük pay sahibi olan Florian Virtzin klubu ilə müqaviləsi 2027-ci ilə qədərdir.
Cari bazar dəyəri 130 milyon avro olaraq göstərilən Virtz "Bayer" forması altında ümumilikdə 169 oyunda meydanda çıxıb və 48 qol, 52 məhsuldar ötürmə ilə yadda qalıb.
