Uşaq bağçasının istilik sistemi var, ancaq işləmir..
Xezerxeber.az xəbər verir ki, kadrlar Ucar rayonundandır. Şəhər ərazisində yerləşən 3 yaslı körpələr evi-uşaq baxçasında illər öncə əasaslı təmir olunan zaman istilik sistemidə yenilənib. Ancaq quraşdırılan kombi sistemi son iki ildir işləmir. Buda körpələr evi-uşaq baxçasına övladını gətirən valideynlərin narazılığına səbəb olur.
Mərkəzi Aran Regional Təhsil İdarəsindən “Xəzər Xəbər”ə bildirilib ki, idarənin əməkdaşları tərəfindən müəssisəyə baxış keçirilib və istilik sistemində texniki nasazlıq aşkar olunub. Problemin aradan qaldırılması məqsədilə müvafiq tədbirlərə başlanıb, istilik təminatının ən qısa müddətdə bərpa edilməsi üçün zəruri addımlar atılır.
Balakənin Katex kəndindəki 1 saylı körpələr evində də istilik problemi yaşanır.
Valideynlər uşaqları bağçaya ya göndərmir, yadaki otaqlarda isti geymlərdən istifadə olunur.
Qaynar xəttimizə müraciət edən kənd sakinləri ərazidə olan yeganə baxçanın istilik sisteminin düzəldilməsini istəyirlər. 2 mərtəbəli 80 yerlik uşaq bağçası qazanxana və müasir istilik sistemi ilə təchiz olunsada hal-hazırda istilik sistemi işləmir.
Mövcud məsələ ilə bağlı Şəki-Zaqatala regional təhsil idarəsinə müraciətimiz əsasında bildirildi ki, sözügedən uşaq bağçasının istilik sistemində yaranmış nasazlıqla bağlı Təhsil və Qaz İdarələrinin əməkdaşları tərəfindən müəssisəyə baxış keçirilib və qaz sayğaclarında texniki nasazlıq aşkar olunub. Problemin aradan qaldırılması məqsədilə müvafiq tədbirlərə başlanıb, istilik təminatının ən qısa müddətdə bərpa edilməsi üçün zəruri addımlar atılır."
Xezerxeber.az mövzu ilə bağlı daha ətraflı videomaterialı təqdim edir.
