"Biz, SOCAR olaraq "Honeywell"lə əməkdaşlıqda ən son mərhələni elan etməkdən məmnunuq."
Bu barədə "SOCAR Green" pavilyonunda bu gün SOCAR-la "Honeywell"in əməkdaşlığının elanına dair keçirilən görüşdə bildirilib.
Bildirilib ki, texnologiya və innovasiyaya əsaslanan bu əməkdaşlıq SOCAR-ın Azərbaycanda fəaliyyətini təkmilləşdirməyə yönəlmiş rəqəmsallaşma, emissiyaların idarə edilməsi və avtomatlaşdırma sistemləri üzrə sazişə gətirib çıxarıb. Bu irəliləyişlər uzunmüddətli məqsədlərə nail olmaq və bu həftə COP29-da müzakirə olunan əsas prioritetlərə uyğunlaşmaq üçün başlıca prioritetlərə uyğunlaşmaq üçün əsasdır.
Qeyd edək ki, “Honeywell” şirkəti qazma əməliyyatlarını rəqəmsallaşdırmaq və tullantı qazları idarə etmək üçün Azərbaycanda SOCAR-ın bir sıra qurğularını yeni texnologiyalarla təmin edəcək. İki şirkət arasında əməkdaşlıq uzunmüddətli iş birliyinə əsaslanır. Bu, müştərilərə əlavə dəyər qatmağa, hasilat proseslərinin performansını yüksəltməyə və SOCAR-ın uzunmüddətli dayanıqlılıq strategiyasının bir hissəsi olan tullantıların azaldılması məqsədinə çatmasına kömək edəcək.
Orxan Vahidoğlu, "İki sahil"
