“YouTube”a daxil olmaq istəyərkən birdən ekranın boşaldığını görmək bir az qəribə olardı... Xüsusilə də bu hadisə bütün dünyada eyni anda baş verirsə, elə deyilmi?
Məhz belə bir hadisə 2008-ci ildə baş vermişdi. Pakistan hökumətinin senzura hərəkəti “YouTube”u qısa müddətə təkcə öz ölkəsində deyil, bütün dünyada qaranlığa qərq edib. Bəs bu, tam olaraq necə baş verib?
Sfera.az bu inanılmaz hadisənin təfərrüatlarını təqdim edir.
Hər şey hollandiyalı siyasətçinin “YouTube”da İslam əleyhinə filmin treylerini yerləşdirməsindən sonra başlayıb. Bu treylere cavab olaraq Pakistan hökuməti bütün ölkə ərazisində “YouTube”a girişi tamamilə bloklamaq qərarına gəlib.
Lakin bu bloklama hərəkəti təkcə Pakistanda deyil, bütün dünyada gözlənilməz nəticələr verib.
Pakistanın internet provayderi “Pakistan Telecom” “YouTube”a girişi əngəlləmək üçün “BGP (Sərhəd Qapı Protokolu)” parametri qurub. Bu parametr “YouTube”a Pakistandan daxil olmaq üçün sorğuları saxta səhifəyə yönləndirmək üçün nəzərdə tutulmuşdur.
Lakin, Honq-Konqda yerləşən nəhəng internet provayderi PCCW bu yönləndirmə məlumatını təsdiq etmədən qəbul edib.
Bu, bütün dünyada internet provayderlərinin “YouTube”a giriş sorğularını Pakistanın saxta marşrutuna yönləndirməsinə səbəb olub.
BGP mahiyyət etibarilə müəyyən IP ünvanları üçün ən xüsusi marşruta üstünlük verdiyi üçün “Pakistan Telecom”un yönləndirməsi bütün dünyaya yayılaraq “YouTube”da böyük fasilə yaradıb.
Nəticədə, bir çox istifadəçi o dövrdə məşhur “YouTube” məzmunu əvəzinə sadəcə boş ekranla qarşılaşıb.
Xanım
