Məşhur ABŞ-li aktyor Maykl Malarki qonaq olduğu proqramda qarşısına qoyulan qəhvənin “Starbucks” şirkətinə olduğunu anlayanda içməkdən imtina edib.
“Qafqazinfo” xəbər verir ki, bu haqda “Sky News” məlumat yayıb.
Livanəsilli aktyor qəhvəni yaxınlıqdakı zibil qutusuna atdıqdan sonra bu sözləri deyib:
“Starbucks”ı boykot edirəm. Məncə, siz də etməlisiniz”.
Qeyd edək ki, “Starbucks”ın İsrail-Fələstin müharibəsi başlayandan münaqişəyə dəstək verdiyi ilə bağlı iddialar səsləndirilir.
Şirkət rəsmi olaraq sanksiyaların tətbiq olunduğu şirkətlər siyahısında olmasa da, Fələstin tərəfdarları şirkəti boykot etməyi seçib.
