Birləşmiş Millətlər Təşkilatı bildirib ki, Qəzza zolağı minlərlə uşaq üçün məzarlıqdır. Fələstin rəsmilərinə görə, 7 oktyabr 2023-cü ildən bəri İsrail Qəzzada ən azı 17.400 uşağı öldürüb .Yəni hər 30 dəqiqədə bir uşaq öldürülür.
Moderator.az bu haqda "Əl-Cəzirə"yə istinadla yazır.
Dağıntılar altında daha minlərlə insan itkin düşüb, onların əksəriyyətinin öldüyü ehtimal edilir. Doğulduqları andan həyatlarını İsrail blokadasının kölgəsi altında keçirmiş, varlıqlarının hər tərəfinə təsir edən davamlı savaşların travmatik təsirinə tab gətirərək sağ qalan çoxsaylı uşaqlar da var.
Sənədlərə əsasən,qətlə yetirilmiş uşaqlar arasında ən azı:
710 körpə bir yaşından aşağıdır.
1793 uşaq 1-3 yaşlıdır.
1205-i məktəbəqədər uşaqdır (4-5 yaş).
4205-i ibtidai məktəb yaşlı uşaqlardır (6-12 yaş).
3442-i orta məktəb yaşlı uşaqlarıdır (13-17 yaş).
İsrailin davam edən hərbi əməliyyatları səbəbindən hər gün 10 uşaq bir və ya hər iki ayağını itirir.
S.Laçın
