1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Avropa Kosmik Agentliyi (AKA) NASA ilə birlikdə Günəş səthinin "Solar Orbiter" kosmik aparatı tərəfindən çəkilmiş ən detallı və yüksəkkeyfiyyətli şəkillərini ictimaiyyətə təqdim edib.
Bu barədə Oxu.Az Rg.ru-ya istinadən məlumat verir.
Bildirilir ki, kadrlar 2023-cü il martın 22-də rekord məsafədən - Günəşdən 74 milyon kilometr uzaqlıqdan çəkilib. Tam mənzərəni əldə etmək üçün alimlər 25 ayrı şəkildən mozaika düzəldiblər.
Günəş diskinin orijinal şəkillərinin keyfiyyəti təxminən 8 000 pikseldir ki, bu da əvvəllər əlçatmaz olan çoxlu sayda detalları görmək imkanı verir.
