Ötən gün qəzada xəsarət alan sərnişin xəstəxanada ölüb.
“Qafqazinfo”nun məlumatına görə, hadisə ötən gün Şəki rayonunun Qudula kəndi ərazisində qeydə alınıb.
Belə ki, “Mercedes” markalı avtomobilin sürücüsü Təbriz Vəliyevin idarəetməni itirməsi nəticəsində nəqliyyat vasitəsi aşıb. Həmin vaxt avtomobildə olan 1985-ci il təvəllüdlü sərnişin Zamir İsmayılov ağır xəsarət alaraq xəstəxanaya yerləşdirilib.
Z.İsmayılov ötən gecə müalicə aldığı xəstəxanada vəfat edib.
DİN-in Mətbuat Xidmətinin Şəki regional qrupundan sorğumuza cavab olaraq bildirilib ki, ölümlə nəticələnən yol-nəqliyyat hadisəsi ilə bağlı cinayət işi başlanılıb, araşdırmalar davam etdirilir.
Mübariz Məmmədov
