Bu gün səhər saatlarında Polşada iki yük qatarı toqquşub. Qəza nəticəsində qatarlara ciddi ziyan dəyib.
News24.az xəbər verir ki,u barədə RMF24 məlumat yayıb.
Qəza Kuznitsa Ratsiborskaya kəndi yaxınlığında baş verib. Qatarların toqquşmasından sonra qatarın ortasında olan vaqonlardan birinin aşması hər iki qatarın relsdən çıxmasına səbəb olub.
Sürücülərdən biri yerində müayinə olunduqdan sonra növbəti müayinə üçün xəstəxanaya yerləşdirilib, digərini xəstəxanaya aparmamaq qərarına gəliblər.
Yanğınsöndürmə-xilasetmə xidmətinin və dəmiryolunun əməkdaşları səhər saat 4-dən hadisə yerində işləyirlər.
Dəmir yolu xəttində hərəkət yaxın günlər üçün tamamilə dayandırılıb, digər qatarların hərəkət istiqaməti dəyişdirilir.
Aynurə
