Yazını böyüt
Yazını kiçilt
Almaniya Xarici İşlər Nazirliyi, İranın Hamburq, Münhen və Frankfurt şəhərlərindəki üç baş konsulluğunun bazar ertəsindən etibarən rəsmən ictimaiyyətə bağlandığını açıqlayıb.
Hafta.az-ın DPA-ya istinadən yazdığına görə, İranda ikili Almaniya-İran vətəndaşı Cəmşid Şarmehdin edam edilməsinə cavab olaraq İran konsulluqları bağlanıb. İranın Berlindəki səfirliyi fəaliyyətini davam etdirir və Almaniyada yaşayan təxminən 300 min iranlıya konsulluq xidməti göstərir.
İranın məhkəmə orqanları Şarmehdin oktyabrın 28-də edam edildiyini açıqlayıb. İran məhkəməsi 2023-cü ilin yazında Şarmehdi terrorizmlə əlaqəli cinayətlərə görə edam cəzasına məhkum edib, Almaniya hökuməti, ailə üzvləri və insan haqları müdafiəçiləri bunu şiddətlə rədd ediblər.
