Basketbol üzrə Avroliqa turnirində 11-ci tura bir oyunla start verilib. İtaliyada “Virtus” komandası “Fənərbağça”nı qəbul edib.
10 turdan sonra vahid lider olan İstanbul klubu autsayderlə oyunda çətinliklərlə üzləşib. Bolonya komandası bütün oyun ərzində güclü müqavimət göstərib. Lakin buna baxmayaraq, Türkiyə klubu qələbə qazanmağı bacarıb – 86:82.
Nəticənin belə olmasının əsas səbəbi qonaqların son periodda üstün olmalarıdır. Meydan sahibllərinin heyətində gürcü legioner Tornike Şengeliya 23 xal toplayıb. Qonaqlarda isə Marko Quduriç 21 xalla ən məhsuldar olub.
