Ukrayna Silahlı Qüvvələri Rusiya ərazisindəki hərbi hədəflərə hücum etmək üçün Qərb istehsalı olan uzaqmənzilli raketlərdən istifadə etməyə başlayıb ki, bu da onlara müasir çoxdomenli müharibəni daha effektiv şəkildə aparmağa kömək edəcək.
Reyting.az xəbər verir ki, bu barədə Müharibə Araşdırmaları İnstitutunun (ISW) analitikləri bildiriblər.
ISW-nin məlumatına görə, 19-20 noyabr tarixlərində Ukraynanın Rusiya Federasiyasına qarşı silsilə zərbələri Müdafiə Qüvvələrinin daha mürəkkəb və effektiv zərbə “paketləri” yaratmaq üçün müttəfiqlər tərəfindən verilən silahlardan istifadə etdiyini göstərir.
Analitiklər qeyd ediblər ki, hücumlar zamanı Ukrayna Silahlı Qüvvələri, xüsusən də, uzaqmənzilli hücum pilotsuz təyyarələri və “Fırtına kölgəsi” raketlərindən istifadə edib, Rusiyanın arxa cəbhəsindəki müxtəlif hərbi obyektlərə zərbələr endirib. Ukrayna Rusiyanın arxa cəbhəsində müxtəlif hərbi obyektlərə - hava bazalarına, komanda qərargahlarına və artilleriya anbarlarına zərbələr endirmək üçün PUA-lardan istifadə etməklə effektivliyi artıq sübuta yetirib.
“Ukrayna arsenalında artıq hava və dəniz pilotsuz təyyarələri, həmçinin Qərb tərəfindən təmin edilmiş “F-16” təyyarələri, HIMARS sistemləri və ATACMS ballistik raketləri var, baxmayaraq ki, sonuncu sistemlərdən istifadə şərtləri Ukrayna Silahlı Qüvvələrinin maksimum faydasını təmin etmək üçün kifayət qədər məhduddur”, - deyə ekspertlər əlavə ediblər.
Müharibə Araşdırmaları İnstitutu bildirir ki, Ukrayna Silahlı Qüvvələri Rusiyanın arxa cəbhəsini uğurla vurmaq, döyüş meydanında taktikidən əməliyyata qədər zərbə endirməkdə davam etmək üçün müttəfiqlərdən əlavə hərbi yardıma, eləcə də daxili innovasiyalara və istehsalata ehtiyac duyur.
ELÇİN
