Hurriyyet.az xəbər verir ki, İslamabad Ali Məhkəməsi Pakistanın keçmiş Baş naziri və "Təhriki-İnsaf" partiyasının qurucusu İmran Xanı girov qarşılığında azadlığa buraxıb. Bu barədə "Dawn" qəzeti məlumat verib.
Məhkəmə hərəsi 1 milyon rupi (3611 dollar) olmaqla iki girov qarşılığında İmran Xanı azad edib.
Keçmiş Baş nazir ilə həyat yoldaşı Büşra Bibi iyulun 13-də həbs edilmişdilər. Sonradan Büşra Bibi girov qarşılığında azad olmağa nail olmuşdu.
İmran Xan ilə Büşra Bibi onlara verilən xarici hədiyyələrin qanunsuz satışı ittihamı ilə həbs ediliblər. Bu hədiyyələrin içərisində 7 ədəd "Graff" və "Rolex" saatları, brilyant və qızıldan ibarət 10 ədəd zərgərlik məmulatı var. İddiaya görə, həmin hədiyyələr dövlətin "Toşaxana" saxlama yerinə verilməyərək satılıb.
Hürr Tərcüman Dawn
