Çin Xarici İşlər Nazirliyinin sözçüsü Lin Jian bildirib ki, son illər ABŞ milli təhlükəsizlik siyasətində nüvə silahının rolunu artırıb və bununla da qlobal strateji tarazlığı pozub, həmçinin hərbi qarşıdurmanı gücləndirib...
Poliqon xəbər verir ki, onun sözlərinə görə, Pentaqonun "nüvə mübadiləsi" ilə bağlı bəyanatları "strateji üstünlük" axtaran köhnəlmiş ABŞ düşüncəsini əks etdirir.
"Birləşmiş Ştatlar nüvə tərksilahı sahəsində xüsusi və prioritet vəzifələrini yerinə yetirməli, nüvə silahlarını əhəmiyyətli dərəcədə azaltmağa davam etməli, hərtərəfli və tam nüvə tərksilahının yekun həyata keçirilməsi üçün şərait yaratmalı, strateji risklərin azaldılması və regional sülhün qorunması üçün səylər göstərməlidir", deyə Lin Jian brifinqdə bildirib.
Lin Jian açıqlamasında Pentaqonun Strateji Komandanlığının nümayəndəsi kontr-admiral Tomas Byukananın sözlərini şərh edib. Bir gün əvvəl o, Birləşmiş Ştatlar potensial düşmənlərin qarşısını almaq üçün öz arsenalının bir hissəsini saxlasa, "nüvə zərbələri mübadiləsinə" icazə veriləcəyini bildirib.
Noyabrın 19-da Rusiya prezidenti Vladimir Putin yenilənmiş nüvə doktrinasını təsdiq edən fərman imzalayıb. Kreml izah edib ki, nüvə qarşısının alınması potensial düşmən tərəfindən təcavüz halında cavab tədbirlərinin labüdlüyünü dərk etməkdir. Ağ Ev əvvəlcə bu qərara cavab vermək planının olmadığını bildirib. Pentaqon daha sonra nüvə arsenallarının modernləşdirilməsinin genişləndirilməsinə başladığını elan edib.
Poliqon.info
