Həkimlər sumaxın insan orqanizminə xeyirli olduğunu müntəzəm olaraq qeyd edirlər. Hətta sumax bir çox xəstəliklərdən qorunmaq üçün və bəzi xəstəliklərin müalicəsi kimi də tövsiyə olunur.
News24.az sumaxın insan orqanizminə 5 faydasını təqdim edir:
1.Ürək və qara ciyər üçün çox faydalıdır.
2.Həzmi sürətləndirir, iştahı açır və bağırsaqlara müsbət təsir göstərir.
3.Qanda insulinin miqdarını tarazlaşdırır. Bu xüsusiyyəti sayəsində diabet və yüksək təzyiq xəstələrinin istehlak etməli olduğu qidalar sırasındadır.
Mütəxəssislər bildiriblər ki, sidik yolları xəstəlikləri üçün də çox faydalıdır.
4.Ağız boşluğu, damaq iltihabları və damaqların qanaması zamanı sumaxı isti suda dəmləyib bu su ilə ağzınızı qarqara edin.
5.İshal zamanı sumax dəmləməsi bağırsaqlara antiseptik təsir göstərir (mikrobları öldürür) və bağırsaqları yığır.
Ağa Dadaşzadə
