ABŞ Prezidenti Co Bayden administrasiyası aprel ayında ABŞ Konqresinin qəbul etdiyi maliyyə qanunu çərçivəsində Ukraynanın 4,7 milyard dollarlıq kredit borcunu bağışlamaq üçün addımlar atıb.   Manset.az bu barədə xarici mediaya istinadən xəbər verir. ABŞ Dövlət Departamentinin sözçüsü Metyu Miller bu gün keçirilən mətbuat konfransında bildirib ki, ABŞ artıq məsələ ilə bağlı hərəkətə keçib. Bayden administrasiyası Trampın Ukraynaya yardımı məhdudlaşdırmasından narahatdır. Bu narahatlığı bölüşən Ukrayna Prezidenti Vladimir Zelenski bu gün verdiyi açıqlamada ABŞ-nin yardımı məhdudlaşarsa, Ukraynanın Rusiyaya qarşı müharibəni uduzacağını bildirib. Amerika mətbuatına açıqlama verən Zelenski deyib ki, “Mübarizə edəcəyik, öz istehsalımız var, ancaq qalib gəlmək üçün bu kifayət deyil".