Mingəçevirdə ”Şəhər Günü”nə həsr olunan Uşaq-Gənclər İdman Məktəbinin futbol bölmələri arasında minifutbol turnirinə start verilib.
Yarış Yaşar Məmmədzadə adına stadionda, Mərkəzi Aran Regional Gənclər və İdman İdarəsi tərəfindən təşkil olunub. Yarışın təşkilində əsas məqsəd bu idman növünü inkişaf etdirmək, təbliğinə çalışmaq, əhali, xüsusən də uşaq və gənclər arasında idmana marağın artırılmasına nail olmaq, sağlam həyat tərzinə çağırış, fiziki aktivliyin təmin olunmasıdır.
Sonda ilk üç yeri tutan komandalar Mərkəzi Aran Regional Gənclər və İdman İdarəsi tərəfindən təsis edilən diplomlarla mükafatlandırılacaq.
BƏHRUZ MUSAYEV
