Suriyada dünyanın ən qədim əlifbası olduğu bildirilən yazı nümunələri aşkarlanıb.
Yenicag.az “Independent”ə istinadən xəbər verir ki, ABŞ-nin Con Hopkins Universitetindən olan tədqiqatçılar sözügedən yazı nümunələrini Umm əl-Marra anitik şəhərində apardıqları qazıntı nəticəsində tapıblar.
Araşdırmaçıların ilkin tədqiqatlarına görə, həmin yazı nümunələrinin tarixi eramızdan əvvəl 2400-cü ilə təsadüf edir. Bu da elmə məlum olan ilk əlifba nümunəsindən 500 il daha qədimdir.
Bu kəşfin elm dünyasında yeniliklərə yol açacağı ön görülür.
