Avropa İttifaqı Beynəlxalq Cinayət Məhkəməsinin (ICC) İsrailin baş naziri Binyamin Netanyahu və keçmiş yəhudi müdafiə naziri Yoav Qalantın həbsinə dair orderləri nəzərə alıb.
NOCOMMENT.az TASS-a istinadən xəbər verir ki, bunu Avropa diplomatiyasının rəhbəri Cozep Borrell deyib.
Diplomat xatırladıb ki, orderlərin icrası Avropa İttifaqı dövlətləri də daxil olmaqla bütün iştirakçılar üçün məcburidir.
İsrail prezidenti İsaak Hersoq cümə axşamı günü BCM-nin həbs orderləri ilə bağlı qərarını ədalət üçün qaranlıq gün adlandırıb.
Cümə axşamı Beynəlxalq Cinayət Məhkəməsi Qəzza zolağında münaqişə ilə bağlı Netanyahu və Qalanta qarşı order verib. Söhbət “ən azı 2023-cü il oktyabrın 8-dən 2024-cü il mayın 20-dək törədilmiş insanlığa qarşı cinayətlərdən və hərbi cinayətlərdən” gedir. Bundan əlavə, məhkəmə BCM-nin yurisdiksiyasına etiraz etməyə çalışan İsrailin arqumentlərini rədd edib.
