Rusiya Ukraynanın Qərb silahları ilə uzaq mənzilli zərbələrinə cavab olaraq Ukraynanın hərbi obyektinə orta mənzilli ballistik raket zərbəsi endirib.
Modern.az xəbər verir ki, bunu Rusiya Prezidenti Vladimir Putin televiziya ilə çıxışında bildirib.
O qeyd edib ki, Amerika və Böyük Britaniyanın uzaqmənzilli silahlarının istifadəsinə cavab olaraq, noyabrın 21-də Rusiya silahlı qüvvələri Ukraynanın hərbi-sənaye kompleksinin obyektlərindən birinə zərbə endirib.
Putin deyib ki, Rusiya NATO ölkələrinin Rusiyaya qarşı aqressiv hərəkətlərinə cavab olaraq "Oreşnik" hipersəs raket kompleksinin döyüş sınaqlarını keçirib.
O bildirib ki, Rusiya nüvə başlığı olmayan ballistik raketlə zərbə endirib.
O, həmçinin Qərbə xəbərdarlıq edib ki, Moskva Rusiyaya qarşı silahı istifadə edilən istənilən ölkənin hərbi obyektlərini vura bilər.
