Millimizin üzvü Mahir Emreli “Nürnberq”də şans qazanmağa başladıqdan qısa müddət sonra özünü yaxşı tərəfdən göstərdi.
Xatırladaq ki, o, 2-ci bundesliqada keçirdiyi 7 matçda 3 qol vurub. Beləliklə, həm yerli azarkeşləri, həm də azərbaycanlı futbolsevərləri sevindirib. Elə “Nürnberq” özü də futbolçunun təbliğatında maraqlıdı. Klub bir neçə həftə əvvəl Mahirdən geniş müsahibə alaraq rəsmi saytında dərc edib. Həmçinin son vaxtlar rəsmi “tiktok” səhifəsində həmyerlimizin oyun zamanı çəkilən videolarını paylaşır.
“Football-plus.az” xəbər verir ki, həmin videolardan birinin rəy bölməsində maraqlı hadisə yaşanıb. Belə ki, azərbaycanlı futbolsevərlər “Nürnberq”in rəsmi səhifəsini etiketləyərək “Mahir Emreli, yoxsa Henrix Mxitaryan?” sualını ünvanlayıb. Klubun rəsmi səhifəsi sualı belə cavablayıb: “Mahir Emreli!”
Qeyd edək ki, Mxitaryan erməni futbolçudu və Milan “İnter”inin şərəfini qoruyur.
KƏNAN BAHADIR
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
