Bakıda keçirilən Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) davam edir.
“Qafqazinfo” xəbər verir ki, konfrans zamanı bir çox qlobal şirkətlər öz stendləri ilə tədbirdə təmsil olunurlar.
“Urban Crew” şirkəti də “Acwa Power” şirkəti üçün tədbir təşkilatçılığını, məkan idarəetmə (DMC) işlərini yerinə yetirir, iştirakçıların rahatlığı və loqistika işlərində yüksək səviyyədə xidmət göstərir.
Belə ki, “Acwa Power”in stendinin COP29 ərəfəsində idarə olunmasını və bütün təşkilatı işləri “Urban Crew” şirkətinin komandası həyata keçirir.
Bu barədə “Urban Crew” şirkətinin direktoru Ülviyyə Cəlilzadə məlumat verib. O bildirib ki, 12-14 noyabr tarixlərində “Acwa Power” şirkətinin rəhbər şəxsləri şirkətin stendində iştirak edərək tədbirə qatılan qonaqlarla fikir mübadiləsi aparıblar: “Acwa Power” şirkətinin baş icraçı direktoru Marko Arçelli tədbirin yüksək səviyyədə keçməsindən məmnunluğunu bildirib. Həmçinin digər rəhbər şəxslər də yüksək səviyyədə təşkil olunan tədbirdən razı qaldıqlarını söyləyiblər. Bu, “Urban Crew” şirkətinin komandası üçün böyük fəxrdir”.
Qeyd edək ki, COP29 tədbiri 22 noyabr tarixinə kimi davam edir.
Xatırladaq ki, “Urban Crew” şirkəti müxtəlif növ tədbirlərin təşkilini, tədbir məkanlarının rezervasiyasını, tədbirlərin logistikasını, qonaqların hotellərə yerləşdirilməsini, qonaqlar üçün daxili turların təşkilini, biznes müzakirələri üçün görüş otaqlarının və texniki dəstəyin təmin edilməsini həyata keçirir.
