Gərgin demoqrafik vəziyyət fonunda dinamik inkişaf üçün miqrantlara ehtiyac var. Bunu RİA Novosti-yə Kremlin rəsmi nümayəndəsi Dmitri Peskov deyib.
“Miqrantlar ehtiyacdır. Fakt budur ki, bizdə çox gərgin demoqrafik vəziyyət var. Biz dünyanın ən böyük ölkəsində yaşayırıq, amma bizim sayımız azdır” deyə o bəyan edib
Peskov vurğulayıb ki, Rusiya "bütün inkişaf planlarını" həyata keçirmək üçün işçilərə ehtiyac duyur.
Eyni zamanda, o, həmçinin qeyd edib ki, miqrantlar arasında cinayətkarlığın aradan qaldırılması üçün əmək miqrasiyası sferasının ciddi şəkildə tənzimlənməsinə ehtiyac var.
Noyabrın 15-də “İzvestiya” qəzeti yazıb ki, Dövlət Dumasının deputatları əcnəbilərə nəzarət sisteminin – “miqrant şəxsiyyət vəsiqəsi”nin tətbiqini təklif ediblər.
Təşəbbüsün müəllifləri onun əcnəbinin şəxsiyyətini təsdiq edən vahid elektron sənədə çevriləcəyini təklif edirlər. Deputatlar Rusiya Federasiyasına daxil olmaq hüququnu yalnız bu sənəd üçün ərizəni təsdiqləyənlərə vermək istəyirlər.
Oxuməni.az
