Nazirlər Kabineti 14 mart 2016-cı il tarixli qərarı ilə təsdiq edilmiş “Əmək miqrasiyası kvotasının müəyyən edilməsi Qaydası”nı dəyişib.
Reyting.az xəbər verir ki, bununla bağlı Baş nazir Əli Əsədov yeni qərar imzalayıb.
Qərara əsasən, bundan sonra hökumət kvotanı hər ilin başlanmasına 3 ay deyil, 1 ay qalmış təsdiq edəcək.
Bundan başqa, əcnəbi işçi cəlb etmək niyyətində olan işəgötürənlər hər il mayın 1-nə qədər deyil, avqustun 1-nə qədər Dövlət Miqrasiya Xidmətinə növbəti il üçün Məşğulluq Təsnifatı üzrə peşələr göstərilməklə əcnəbi işçi qüvvəsinə tələbat haqqında proqnoz-məlumat (forma əlavə olunur) təqdim etməli olacaqlar.
