Ermənistan evdə autsayderə uduzdu - İCMAL

Bu qrupda Skopyedə keçirilən qarşılaşmada sürpriz qeydə alınmadı.

Latviya pis təsir bağışlamasa da, qrupun liderini büdrətməyə gücü çatmadı. Müdafiəçi Serafimovun ikinci hissənin əvvəllərində vurduğu qol meydan sahiblərinə qələbə qazandırdı. İlk turdan etibarən rəqiblərindən bir baş üstün görünən Şimali Makedoniya bu qələbə ilə sona bir tur qalmış liderliyi təmin etdi. Əsas sürpriz İrəvanda qeydə alındı. Ötən ay baş məşqçi Aleksandr Petrakovla yollarını ayıran Ermənistan Farer adaları ilə oyuna müvəqqəti məşqçi Suren Çaxalyanın rəhbərliyi altında çıxdı.

Bədnam qonşularımız böyük bir fiasko ilə üzləşdilər. Qonaqların heyətində ilk yarının ortalarında Davidsenin penaltidən vurduğu qol oyunda yeganə oldu. Ermənilər sona qədər də bu qolun cavabını verə bilmədilər. Qrupda ilk qələbəsini qazanan Farer adaları son tur ərəfəsində sonuncu pillədən birbaşa 2-cu pilləyə yüksəldi! Ermənistan isə son turda Latviyaya da boyun əysə, D liqasına yuvarlanmaq təhlükəsi ilə üzləşəcək.

C liqası, 4-cü qrup
Şimali Makedoniya – Latviya 1:0 (0:0)
Şimali Makedoniya: Dimitrievski, Dimovski (Mitrovski, 58), Zaykov, Serafimov, Alioski (Aşkovski, 78), Alimi, Bardi, Elmas (Kamili, 24), Çurlinov (Ristovski, 58), Traykovski (Velkovski, 78), Miovski.
Latviya: Matreviç, Savalnieks (Tobers, 64), Çernomordıy, Yurkovski, Yaqodinski, Tsiqanik, Zelenkov, Vapne (Varslavan, 64), Yaunzems (Melnik, 64), Daşkeviç (Uldrikis, 71), Şits (Qutkovski, 71).
Qol: Serafimov, 57.
Vərəqələr: Savalnieks, 30. Serafimov, 54. Zaykov, 55. Qutkovski, 84. Tobers, 90+5 – sarı.
Hakim: Qoqa Kikaçeişvili (Gürcüstan).
14 noyabr. Skopye. 8851 tamaşaçı.

Ermənistan – Farer adaları 0:1 (0:1)
Ermənistan: Çançareviç, Ambartsumyan, Aroyan, Arutunyan (Manvelyan, 85), Tiknizyan, İvu, Bıçaxçyan, Sevikyan (Şaqoyan, 46), Spertsyan, Miranyan (Ranos, 46), Zelarayan.
Farer adaları: Qestsson, Davidsen, Faero, Q.Vatnhamar, A.Edmundsson, Danielsen, Yonsen (Sorensen, 62), Hendriksson (Mneni, 75), Byartalid (S.Vatnhamar, 76), Yustinussen (Knudsen, 68), Klettskard (Olsen, 68).
Qol: Davidsen, 33-p.
Vərəqələr: Yustinussen, 12. Ambartsumyan, 16. Danielsen, 21. Arutunyan, 31. Şaqoyan, 75. Qestsson, 81 – sarı.
Hakim: Anastasios Sidiropulos (Yunanıstan).
14 noyabr. İrəvan. 6043 tamaşaçı

• Ermənistan
• Qarşılaşma
• Qələbə
• Latviya
• Autsayder
• Skopye