Kənd Təsərrüfatı Nazirliyi yanında Aqrar Tədqiqatlar Mərkəzinin (ATM) sabiq direktoru Firdovsi Fikrətzadəyə yeni vəzifə verilib.
Məlumata görə, əmək və əhalinin sosial müdafiəsi naziri Sahil Babayevin müvafiq əmri ilə Firdovsi Fikrət oğlu Fikrətzadə Dövlət Məşğulluq Agentliyinin Əmək bazarının təhlili departamentinin müdiri vəzifəsinə təyin edilib.
O, bu vəzifədə Elman Sadıqovu əvəzləyib(Qaynarinfo).
Qeyd edək ki, Firdovsi Fikrətzadənin bu ilin iyul ayında Aqrar Tədqiqatlar Mərkəzinin direktoru vəzifəsindən azadolunma xəbərini ilk Mia.az saytı yaymışdı.
Yeri gəlmişkən, onun vəzifəsindən azad olunmasından sonra ATM-də bəzi qanunsuzluqlar da aşkarlanıb. Hətta KTN-nin mətbuat katibi Vüqar Hüseynovun sürücüsünün ATM-də aparıcı mütəxəssis kimi ştata götürülməsi faktı var...
