Dünya futbolunun böyük hücumçularından biri olan Kərim Benzema yenidən Avropaya qayıda bilər. Metbuat.az xəbər verir ki, "Əl-İttihad"dan ayrılmaq istəyən hücumçunun "Arsenal"dan gələn təklifi qəbul etdiyi deyilir. İngiltərə mətbuatında yer alan xəbərə görə, “Arsenal”ın baş məşqçisi Mikel Arteta hücum xəttində təcrübəli futbolçu istəyir. İddialara görə, Benzema yenidən Avropada futbol oynamaq üçün maaşını ciddi şəkildə azaltmağa razılıq verib. Qeyd edək ki, Kərim Benzemanın keçmiş klubu "Lion"a keçəcəyi və orada karyerasına son qoyacağı irəli sürülürdü. Lakin Fransa klubunun hazırda yaşadığı maliyyə çətinlikləri bu transferin reallaşmasına mane olub. Kərim Benzema "Əl-İttihad"da 38 matçda 21 qol və 9 məhsuldar ötürmə ilə yadda qalıb.
