İlk gündəki kimi izdiham, önəmli görüşlər – COP29-un son günündən FOTOREPORTAJ
Bugün Bakıda BMT-nin İqlim Dəyişikliyi üzrə Çərçivə Konvensiyasının Tərəflər Konfransı - COP29-un sonuncu günü keçirilir. Bakı Olimpiya Stadionunda baş tutan tədbirin ilk günündən etibarən uğurla keçib və beynəlxalq ictimaiyyətin diqqətini iqlim dəyişikliyi ilə bağlı qlobal çağırışlara cəlb edib. Hər gün konfransda iqlim dəyişikliyinin təsirlərinin azaldılması və onlara uyğunlaşma məsələlərinə həsr edilmiş görüşlər və müzakirələr keçirilib. Xüsusi diqqət iqlim dəyişikliyinə qarşı mübarizədə daha az inkişaf etmiş ölkələrə maliyyə dəstəyinin göstərilməsi məsələsinə yönəldilib. Bu təşəbbüs gündəmin əsas mövzularından biri olub və iştirakçılar ədalətli maliyyə bölgüsü yollarını müzakirə ediblər. Bu gün də əvvəlki günlərdə olduğu kimi stadion ərazisində müxtəlif ölkələrdən çoxsaylı iştirakçılar və qonaqlar müşahidə olunur. İştirakçılar ideya mübadiləsi aparır, müzakirələrdə iştirak edir və planetin gələcəyini dəyişə biləcək vacib ekoloji təşəbbüsləri müzakirə edirlər. 1news.az-ın əməkdaşları COP29-un ilk günlərindən yerindən reportajlar apararaq xarici ekspertlərlə müsahibələr götürüb və əsas tədbirləri işıqlandırıb. İndi isə sizə konfransın sonuncu günü ilə bağlı fotoreportajı təqdim edirik: Qeyd edək ki, Bakıda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) 11-22 noyabr tarixlərində keçirilirdi.
