Bəzi qidaları soyuducuda saxlamaq məsləhət deyil. Çünki bu zaman onların dadı pisləşir.
Publika.az xəbər verir ki, bu çağırışla qidalanma mütəxəssisi Amparo Qamero "Gloucestershire Live"də çıxış edib.
Onun fikrincə, sarımsaq soyuqda tez cücərdiyi üçün onu soyuducuda saxlamaq məsləhət görülmür.
“Rəf ömrünü uzatmaq üçün soyulmuş sarımsaq dişlərini zeytun yağına batırıb möhkəm bağlanmış şüşə qabda saxlamaq olar. Onlar həmçinin dondurulmuş, bütöv və ya dilimlənmiş ola bilər”, - deyə qidalanma mütəxəssisi izah edib.
Bundan əlavə, mütəxəssis çörəyi də soyuducuda saxlamamağı tövsiyə edib. Çünki soyuqda o da dadını və quruluşunu itirir. Şokoladın isə kəskin temperatur dəyişikliyi səbəbindən toxuması dəyişir.
