2024-cü ilin yanvar-oktyabr aylarında Azərbaycandan 191 milyon 589 min dollar dəyərində 118 min 945 ton pambıq ixrac olunub.
FED.az bu barədə Dövlət Gömrük Komitəsinə istinadən xəbər verir.
Pambıq ixracı ötən ilin eyni dövrü ilə müqayisədə dəyər ifadəsilə 57 milyon 931 min dollar və ya 43% miqdar ifadəsilə 53 min 414 ton və ya 81,5% artıb.
2023-cü ilin 10 ayında isə Azərbaycandan 113 milyon 658 min dollar dəyərində 65 min 530 ton pambıq ixrac olunmuşdu.
Bu dövrdə Azərbaycanın ixrac etdiyi pambığın 1 kiloqramının orta ixrac qiyməti 2,74 manat olub. Xatırladaq ki, 2023-cü ilin eyni dövründə bu rəqəm 3,47 manat idi (illik 73 qəpik və ya 21% ucuzlaşma).
