Bu ilin ilk 10 ayında Azərbaycanda yaşıl enerji istehsalı 80 faiz artıb.
Bunu Sfera.az-a açıqlamasında iqtisadçı deputat Vüqar Bayramov deyib. O, sözügedən artımı bu cür izah edib:
“Həmin dövrdə yaşıl enerji mənbələri üzrə elektrik enerjisi istehsalı ötən ilin müvafiq dövrünə nisbətən 1 495,0 mln. kVt•st artaraq 3 315,3 mln. kVt•st təşkil edib. Külək elektrik stansiyalarında 44,8 mln. kVt•st, günəş elektrik stansiyalarında isə 515,3 mln. kVt•st enerji istehsal edilib. Hədəflər də ölçülə bilən və realdır”.
Millət vəkili bildirib ki, 2030-cu ildək Azərbaycanda ümumi enerji istehlakında yaşıl enerjinin payının 35 faizə çatdırılması və karbon emissiyasının 40 faiz azaldılması nəzərdə tutulur:
“Son illər alternativ mənbələrdən enerji istehsalına 1 milyard dollardan çox sərmayə cəlb edən Azərbaycan 2026-cı ildən sonra Avropaya yaşıl enerji ixrac etməyi hədəfləyir”.
Günay
Sfera.az
