"Ukrayna silahlı münaqişəyə son qoymaq üçün Rusiya ilə danışıqlara başlamaq qərarına təkbaşına gəlməməlidir".
HİT.az xəbər verir ki, bunu Almaniyanın keçmiş kansleri Angela Merkel “Corriere della Sera” qəzetinə müsahibəsində deyib.
Merkel müvafiq müsahibəni yeni “Azadlıq” kitabının nəşri ərəfəsində verib.
Keçmiş kanslerin fikrincə, Kiyevi dəstəkləyən bir çox ölkələr Ukrayna böhranının diplomatik yolla həllini Rusiya ilə müzakirə etmək mümkün olanda birlikdə qərar verməlidirlər. Merkel bu prosesin nə vaxt başlaya biləcəyinə cavab verməkdə çətinlik çəkib.
Siyasətçi Almaniyanın iqtisadi maraqlarını rəhbər tutaraq “Şimal axını 2”dən imtina etmədiyini də bildirib. Onun sözlərinə görə, indi enerji resurslarının yüksək qiymətinin Almaniya üçün hansı nəticələrə səbəb olduğunu görmək olar.
Merkel əlavə edib ki, siyasi səbəblərə görə o, Rusiya ilə iqtisadi əlaqələri davam etdirməyə hazırdır və bu münasibətləri qurmaq üçün “diplomatiya” və “tutma prinsipindən” istifadə etdiyini söyləyib.
Angela Merkel xatirələrində siyasi karyerasının əsas məqamlarından, xüsusən də Vladimir Putinlə münasibətindən danışıb. Almaniyanın keçmiş kansleri qeyd edib ki, Rusiya liderinin öz haqlılığına inamı onu həmişə heyrətləndirib. Onun sözlərinə görə, hətta Donald Tramp da ona “məftun olub”.
Samir
