Rus uşaqlarının cinsinin dəyişdirilməsinə icazə verilən ölkələrin vətəndaşları tərəfindən övladlığa götürülməsi qadağan edildi.
SİA-nın əldə etdiyi məlumata görə, müvafiq qanunu Rusiya prezidenti Vladimir Putin imzalayıb.
Sənəd hüquqi aktların rəsmi nəşrinin saytında yerləşdirilib. ...Ailə Məcəlləsinə edilən dəyişikliyə əsasən, “tibbi müdaxilə yolu ilə cinsiyyət dəyişikliyinə, o cümlədən cinsiyyətin dəyişdirilməsinə yönəlmiş dərman vasitələrinin istifadəsinə icazə verilən dövlətin vətəndaşı olan şəxslər üçün Rusiya uşaqlarını övladlığa götürmək və qəyyumluq etmək qadağandır.
Xatırladaq ki, sentyabrda Dövlət Duması cinsiyyətinin dəyişdirilməsinə icazə verilən ölkələrin vətəndaşları üçün Rusiyadan uşaqların övladlığa götürülməsini və ya qəyyumluğunu qadağan edən qanun layihəsini birinci oxunuşda qəbul edib.
Federal Məclisin aşağı palatasının spikeri Vyaçeslav Volodinin qeyd etdiyi kimi, sənədin qəbulu rusiyalı uşaqları potensial təhlükələrdən qoruyacaq.
Yayın əvvəlində Prezidentin Uşaq Hüquqları üzrə Müvəkkili Mariya Lvova-Belova uşaqların əcnəbilər tərəfindən övladlığa götürülməsinin tamamilə dayandırılmasına icazə verib. Artıq bu tendensiyanın azalması müşahidə olunur: son iki ildə əcnəbilər tərəfindən övladlığa götürmələrin sayı təxminən 90 faiz azalıb.
Əli Babayev
