Varlı ölkələr öz öhdəliklərini icra etməkdən boyun qaçırırlar və həmin yükü inkişaf etməkdə olan ölkələrin çiyninə qoymaq istəyirlər. Buna görə də, az inkişaf etmiş ölkələr kiçik ada dövlətləri ilə birlikdə danışıqlar zalını tərk etdilər və bildirdilər ki, onlar təklif olunan mətnlə razılaşmırlar. Bu mətn inkişaf etməkdə olan dövlətlər tərəfindən dəstəklənmir. Bizim iqlim mühakiməsinə ehtiyacımız var. Biz iqlim dəyişmələrinə səbəb olan əsas ölkələrin vurduqları zərərə görə məsuliyyət daşımalarını istəyirik.
Bunu jurnalistlərə müsahibəsində "Power Shift Africa"nın direktoru Mohamed Adov deyib.
O bildirib ki, inkişaf etmiş ölkələr çox kiçik məbləğ – 1,3 trilyon təklif ediblər. Bu isə hədəfə çatmaq üçün kifayət etməyəcək.
"Bizim istəyimiz inkişaf etmiş ölkələrin öz tarixi məsuliyyətlərini etiraf etmələridir. Həmçinin inkişaf etmiş ölkələr öz məsuliyyətlərini qəbul edib qrant və güzəştli maliyyə formasında, yəni ən azı 600 milyard məbləği ayırmalıdırlar. Eləcə də bütün tərəflər mitiqasiya və adaptasiya tədbirlərinə, eləcə də İtki və Zərərə Cavab Fonduna kollektiv şəkildə səfərbər olunmalıdır. Belə olmasa, dünyada iqlim dəyişmələrinə qarşı mübarizə mümkün olmayacaq", - deyə M.Adov bildirib.
