Dünyanın ən maraqlı toy mərasimlərindən biri Aralıq dənizindəki Krit adasında baş tutub, daha doğrusu, baş tuta bilməyib.
"Unikal" xarici KİV-ə istinadən xəbər verir ki, gəlin və təxminən 2 min adam kilsədə bəyi saatlarla gözləyib.
İtkin düşdüyü bildirilən bəyin narkotik və tarixi əsər qaçaqmalçılığına görə polis tərəfindən saxlanıldığı məlum olub. Çox keçməyib ki, polis bəyin evinə basqın edib.
Əməliyyat zamanı bəyin anası kokainin bir hissəsini gizlətmək istəyərkən polislər tərəfindən saxlanılıb. Polis idarəsindən verilən açıqlamada bəyin evindən 174 qram kokain, 2 ədəd dəqiq tərəzi, 1 ədəd amfora heykəlciyi, 16 ədəd tarixi əsər, 3550 avro pul, 132 ədəd müxtəlif çaplı patron və 2 ədəd mobil telefonun götürüldüyü bildirilib.
Bəy və anası prokurorluğa sövq edilib.
Seymur Əli
