Rusiyanın “Azimut” aviaşirkətinə məxsus təyyarə Antalya hava limanına eniş edərkən yanğın baş verib, lakin yanğın söndürülüb.
"Unikal" xəbər verir ki, bu barədə Türkiyə mətbuatı məlumat dərc edib.
"Yanğın Soçidən Antalyaya uçan Sukhoi Superjet 100-95LR təyyarəsinin enişi zamanı başlayıb. Yanğının mühərrikdə başladığı ehtimal edilir. Hava limanının yerüstü xidmətləri tez bir zamanda yanğınla mübarizəyə başlayıb", - deyə məlumatda bildirilir.
Hava limanında baş verən insident səbəbindən təyyarənin endiyi uçuş-enmə zolağı bağlanıb.
