“Amerikanı xilas et!” adlı yeni kitabında Trampın Ağ Evin rəhbərliyində qarşıdan gələn müddətlə bağlı fikirlərini bölüşəcəyi də gözlənilir...
Poliqon “RİA Novosti” Agentliyinə istinadən xəbər verir ki, ABŞ-nin yeni seçilmiş prezidenti Donald Tramp “Amerikanı xilas et!” kitabının satışa çıxarıldığını elan edib. Kitabda siyasətçi prezident kimi ilk müddətini təsvir edir və növbəti dörd il üçün planlarını bölüşəcəyi gözlənilir.
“İndi Amerikanı xilas etmək vaxtıdır, bizim ən yeni kitabımızı əldə edin. Amerikanı xilas edəcək kitabı alın”, deyə Trampın 25 noyabrda oxucularına yazdığı mesajda deyilir.
Kitabda 2016-2020-ci illərdə Ağ Evin gündəlik həyatından fotolar, müxtəlif sammitlərin və ikitərəfli görüşlərin protokol çəkilişlərindən tutmuş ABŞ prezidentinin rəsmi iqamətgahının həyatının az məlum detallarına qədər məlumatlar yer alıb. İddialara görə, Tramp fotoşəkilləri dərc üçün şəxsən seçib.
Kitabın hər nüsxəsi 99 dollar, Trampın şəxsi imzası ilə isə 5 dəfə baha, 499 dollardır. Nəşrin reklam təsvirinə görə, kitab Donald Trampın prezidentliyinin ilk dörd ilinə bilinməyən tərəflərini açıqlayır.
ABŞ-ın yeni seçilmiş prezidenti Donald Trampın həyat yoldaşı Melaniya da 2024-cü ilin iyulunda avtobioqrafik kitabın nəşr olunacağını açıqlayıb. Elanlara görə, kitabda əvvəllər heç yerdə dərc olunmayan fotoşəkillər və hekayələr yer alacaq. Kitabın 2024-cü ilin payızında nəşri gözlənilirdi.
Poliqon.info
