İngiltərənin “Mançester Yunayted” klubundan ayrılan Rud van Nistelroy karyerasını Almaniyada davam etdirə bilər.
Msport.az xəbər verir ki, bu barədə “Sky DE” nəşri məlumat yayıb.
II Bundesliqada çıxış edən “Hamburq” 48 yaşlı mütəxəssisi komandanın sükanı arxasına gətirmək istəyir.
Nistelroy Erik ten Haqın istefasından sonra “qırmızı şeytanlar”a müvəqqəti baş məşqçi təyin edilmişdi.
48 yaşlı mütəxəssis Ruben Amorimin komandaya baş məşqçi təyin edilməsindən sonra postu ilə vidalaşıb.
Qeyd edək ki, Rud van Nistelroy futbolçu karyerasında 2010/2011 mövsümündə “Hamburq”un formasını geyinib.
