Almaniyanın avtomobil sənayesi zəif tələbat və daha sərfəli məhsullar təklif edən çinli şirkətlərin rəqabəti səbəbindən çətin dövrlərdən keçir.
Marja.az xəbər verir ki, bu çətinliklərdən əziyyət çəkən şirkətlərdən biri də Bosch-dur. Bosch, 10 000 işçinin iş saatlarını azaldacağını açıqlayıb. Beləliklə, saatlıq maaşlar da azaldılacaq. Bulardan başqa, Şirkət 5550 nəfəri işdən çıxaracağını da açıqlayıb.
Şirkətin sözçüsü "dpa" xəbər agentliyinin məlumatını təsdiqləyən açıqlamasında deyib: "Almaniyadakı obyektlərdə əsasən 38 və ya 40 saatlıq müqavilə əsasında işləyən işçilərin iş saatları 35 saata endiriləcək".
Alman avtomobil sənayesi sarsılıb
Almaniyanın avtomobil sənayesindəki yavaşlama - zavodları bağlamaq planlarına görə işçilərlə problem yaşayan Volkswagen-i və daha sərt xərclər azaltmağı vəd edən Mercedes-i də sarsıdıb.
