Ağdaşda qardaş qardaşını qətlə yetirib.
“Qafqazinfo” xəbər verir ki, hadisə rayonun Aralbir kəndində qeydə alınıb.
Noyabrın 23-ü saat 10 radələrində kənd sakini 1977-ci il təvəllüdlü Qalib Soltanəli oğlu Musayev yaşadığı evdə aralarında yaranmış münaqişə zəminində qardaşı 1975-ci il təvəllüdlü Mirmehdini bıçaqlayıb.
Ağır xəsarət alan M.Musayev vəfat edib. Q.Musayev saxlanılıb.
Hadisənin mülk davası üstündə baş verdiyi bildirilir.
Faktla bağlı cinayət işi açılıb, araşdırma aparılır.
