Hollandiyalı pilot Maks Ferstappen “Formula 1”-də çempionluq titullarının sayına görə fransalı Alen Prost və alman Sebastyan Fettelə bərabər olub.
Bazar günü 27 yaşlı “Red Bull” sürücüsü Las Vegas “Qran Pri”sində beşinci yeri tutaraq 2024-cü il mövsümündə erkən qələbəni təmin etdi. Yarış başlamazdan əvvəl əsas rəqibi “Maklaren” komandasının sürücüsü Lando Norrisi 62 xal qabaqlayan Ferstappen erkən qələbə üçün britaniyalını qabaqlamalı idi. “Qran Pri”nin sonunda Norris (340 xal) altıncı pillədə qərarlaşıb.
Bu, Ferstappenin ardıcıl dördüncü çempionluğudur. Bundan əvvəl Alen Prost (1985, 1986, 1989, 1993) və Sebastyan Fettel (2010, 2011, 2012, 2013) hər biri dörd dəfə çempion olub.
Britaniyalı Lyuis Həmilton və alman Mixael Şumaxer hər biri 7 titulla reytinqin zirvəsində qalırlar, argentinalı Xuan Manuel Fanxio isə 5 dəfə çempion olub.
Almaz Həsənli
