Qərbi Azərbaycan İcması (QAİ) Türkiyədə bir sıra görüşlər keçirib.
Missiya.Az xəbər verir ki, nümayəndə heyətində Qərbi Azərbaycan İcmasının Türkiyə nümayəndəsi Dr.Asif Kurban, icmanın Ankara nümayəndəsi Prof.Dr.Seyit Aydın, İstanbul nümayəndəsi Dilqəm Əhməd, Qars rəsmisi Ali Cenap Senger iştirak ediblər. Azərbaycan Respublikasının Türkiyə səfirliyində keçirilən ilk görüşdə səfir Dr.Rəşad Məmmədov nümayəndə heyətini qəbul edib.
Görüş zamanı səfir öz fikirlərini və dəstəyini nümayəndə heyəti ilə bölüşüb, QAİ-yə uğurlar arzulayıb. Səfirlikdəki qəbulda səfir Dr. Rəşad Məmmədov, səfirliyin müşaviri Eldar Əliyev və səfirliyin nəzdindəki Azərbaycan Mədəniyyət Mərkəzinin direktoru Samir Abbasov iştirak ediblər.
Nümayəndə heyəti daha sonra Qars Bələdiyyə başçısı Prof.Dr.Ötüken Sengerlə görüşüb və ortaq fəaliyyətlər haqqında fikir mübadiləsi aparıb. Ardınca heyət Türk Ocağı Qərargahında Prof.Dr.Mehmet Özün sədrliyində sözügedən ocağın rəhbərliyi ilə görüşüb. Birgə fəaliyyət və konfransların keçirilməsi ətrafında müzakirələr aparılıb.
