Tədbirdə iştirak edən dövlət başçılarının da etiraf etdiyi kimi bu sessiya tarixində ən mükəmməl təşkilatçılığı ilə diqqət cəlb elədi
Azərbaycan BMT-nin İqlim Dəyişmələri üzrə Tərəflər Konfransının 29-cu sessiyasına – COP29-a yüksək səviyyədə ev sahibliyi etməklə, həmçinin qarşıya qoyulan hədəflərə nail olunmasına maksimum səy göstərməklə dünyaya bəşəri ideyaların, sülhün, ədalətin carçısı olduğunu sübut etdi. Azərbaycan dövləti sübut etdi ki, danışıqlar sayəsində, birgə təşəbbüslər irəli sürərək qarşılıqlı anlaşma şəraitində problemləri həll etmək mümlkündür. Yetər ki dünya dövlətləri bunda maraqlı olsun və ümumi evimiz olan Yer kürəsinini xilası, planetimizi gələcək nəsillərə daha təhlükəsiz əmanət etmək üçün səmimi davranışlar sərgilənsin. Təbii ki, dünya dövlətlərini bir ataya toplamaq və onları dünyamızın – atmosferin, təbii ehtiyatların qorunmasına cəlb etmək üçün ev sahibinin üzərinə düşən də səmimi ortam yaratmaq, dünyanın dörd bir yanından ölkəmizə səfər edənləri ali məqsədə inandırmaq vəzifəsi düşürdü. Tam əminliklə deyə bilərik ki ölkəmiz, dövlət və qeyri-dövlət sturkturları, ictimaiyyətlə birgə bu vəzifənin öhdəsindən gəldi. Baxmayaraq ki, bədxahlarımız əvvəldən son tarixədək Azərbaycana qarşı şər, böhtan kampaniyası aparmaqla ölkəmizin nüfuzunu aşağı slamağa çalışırdı. Lakin onların səyi heç bir nəticə vermədi. Dünya Azərbaycanın xoş niyyətini də gördü, iqlimin – ümumən planetimizin mühafizəsi naminə gərəkli addımlar atmağa hazır olduğuna da şahidlik etdi.
Siyasi şərhçi, Əməkdar jurnalist Azər Həsrət “Sherg.az”a açıqlamasında qeyd etdi ki, əlbəttə COP29 bir çoxlarının arzu etmədiyi şəkildə yüksək səviyyədə təşkilatçılıqla diqqəti cəlb etdi:
- Müəyyən qüvvələr vardı, həm ölkə daxilində, həm xaricdə, hətta elə ölkələr var idi ki CO29-un uğursuz olmasını arzu edirdilər ki, sonradan bundan istifadə edib Azərbaycana hücumlar təşkil etsinlər. Amma Azərbaycan dövləti və xalqı onları yaxşı mənada təəcübləndirdi. COP29, ümumiyyətlə, bu konfransların tarixində ən qısa hazırlıq müddəti olan sessiya idi. Azərbaycanın hətta 1 il də deyil, cəmi 11 ay vaxtı vardı hazırlaşmaq üçün. Lakin dövlətimiz bütün gücünü səfərbər edərək mükəmməl hazırlıq prosesini icra etdi. COP29-da iştirak edən dövlət başçılarının da etiraf etdiyi kimi bu sessiya özündən əvvəlki sessiyalar tarixində ən mükəmməl təşkilatçılığı ilə diqqət cəlb elədi. Azərbaycan belə bi mötəbər tədbirə ev sahibliyi etməyin haqqını vermiş oldu. Və dünyaya bir daha göstərd ki, biz belə nəhəng işlərin öhdəsindən gələ bilirik. Buna dostlarımız sevindi, düşmənilərimiz xar oldu. Əsas isə odur ki xalqla dövlətin vəhdəti burada da özünü göstərdi. Necə ki 44 günlük Vətən savaşı günlərində xalq-dövlət, xalq-prezident vəhdəti sayəsində möhtəşəm qələbə qazandıq, COP29 günlərində də xalqımız müdhiş birlik nümayiş etdirdi. Hətta Bakıda ictimai nəqliyyatdan daim şikayət edənlər də COP29 zamanı üzürlü səbəbdən yaranmış məhdudiyyətlərə təmkinlə yanaşdılar. Bu da insanlarımızın mədəni səviyyəsini, xalqımızın dövlət maraqları naminə hər zaman anlayışlı davrandığını göstərir.
A.Həsrət bildirdi ki, COP29 öz tarixində ən uğurlu, bənzərsiz sessiyalardan biri oldu:
- “Paris anlaşması”nın 6-cı maddəsiylə bağlı əldə olunun nəticə dünya ölkələrini, xüsusən də az inkişaf etmiş, karbon emissiyalarından daha çox əziyyət çəkən ölkələri, ada dövlətlərini sevindirir. İlqim maliyyələşdirmə ilə bağlı 300 milyard dollarlıq razılaşma böyük uğurdur. Bilirsiz ki, sammitin əsas diqqət mərkəzində Bakı Maliyyə Məqsədi (Baku Finance Goal) dayanırdı. Əsas məsələ nə qədər maliyyələnin ayrılacağı idi. Çünki bir sıra dövlərlər yenə də 250 milyard dollar ayrılmasını istəyirdi. Lakin gərgin müzakirələr zamanı məhz Azərbaycan tərəfinin səyləri ilə bu məbləğin yetərli olmayacağı sübut edildi. Nəticədə əldə edilən razılaşma ilə inkişaf etmiş ölkələr inkişaf etməkdə olan dövlətlər üçün 2035-ci ilədək illik ən azı 300 milyard dollar ayırmaq öhdəliyi götürmüş oldular. Bu məbləğ əvvəlki öhdəliklərdən 50 milyard dollar çoxdur. Bu, iqlim siyasətində inqilab hesab edilir. Təsadüfi deyil ki, COP29 məhz nəticə etibarilə əldə edilmiş bu razılaşmaya görə "iqlim maliyyələşdirilməsində yeni dövrün başlanğıcı" adlandırılır. Və COP29-un dünya üçün dönüş nöqtəsi olacağı hesab edilir. Bu xeyirxah məqsədə nail olunması üçün geniş platfarma təqdim edən, təşkilatçılığı yüksək səviyyədə aparansa Bakıdır. COP29-un uğurları çoxdur, böyükdür . Onu deyə bilərik ki, Azərbaycan alnının ağı ilə bu çətin və şərəfli işin öhdəsindən gəldi və dünyaya yenə də, növbəti dəfə ən yaxşı nümunə oldu.
