Türkiyə prezidenti Rəcəb Tayyib Ərdoğan Beynəlxalq Cinayət Məhkəməsinin İsrailin baş naziri Binyamin Netanyahunun həbsinə dair order verməsini şərh edib. Bu barədə RİA Novosti məlumat yayıb.
O, Nazirlər Kabinetinin iclasından sonra xalqa müraciəti zamanı belə bir bəyanatla çıxış edib. Ərdoğanın sözlərinə görə, Türkiyə ICC-nin İsrailin baş naziri ilə bağlı qərarını tam dəstəkləyir. Bundan əlavə, Türkiyə prezidenti bu təşəbbüsü “cəsarətli addım” adlandırıb.
“Netanyahu və onun keçmiş müdafiə nazirinin həbsinə orderlərin verilməsi çox cəsarətli addımdır. Netanyahu və onun dəstəsi üçün dairə getdikcə genişlənir. Bu baxımdan, bu qərarı icra etməyə borclu olan ölkələrin əksəriyyətinin dəstəklərini bəyan etməsini heyranlığa layiq hesab edirik. Türkiyə kimi biz də cinayət məhkəməsinin verdiyi cəsarətli qərarı dəstəkləyirik”, - deyə o bildirib.
