Yunanıstanın hava hücumundan müdafiəsi üçün istifadə edilən “S-300” zenit-raket kompleksləri və Rusiya istehsalı olan digər iki silah sistemi Ermənistana veriləcək.
Onlar İsrail istehsalı sistemlərlə əvəzlənəcək.
Editor.az xəbər verir ki, bu barədə “enikos.gr” informasiya portalı yazıb. “Silahlı Qüvvələrin rəhbərliyi Yunanıstanın arsenalının Rusiya istehsalı olan silah sistemlərini yeni Qərb texnologiyaları ilə köklü şəkildə yenilənməsini davam etdirmək əzmindədir, – Yunanıstan Müdafiə Nazirliyi bildirib. Ermənistanın “gücləndirilməsi”ni Fransa da tələb edir. O da İrəvana silahla kömək edəcəyini vəd edib. Həmçinin, güclü Ermənistan Türkiyənin dəstəklədiyi Azərbaycanla tarazlaşmış olacaq, – Yunanıstan portalı xəbər verir.
Bununla belə, silahlar bir gecədə təhvil verilməyəcək və əlbəttə ki, boş yerə deyil – əvəz edilmədən heç bir şey getməyəcək, səlahiyyətli mənbələr deyirlər.
//Samir Qurbanov, Editor.az
