Gürcüstanın Bolnisi bölgəsində yaşayan azərbaycanlılar arasında dava düşüb.
Modern.az-ın Gürcüstan KİV-ə istinadən məlumatına görə, Dəllər kəndində baş verən toy zamanı gənclər arasında mübahisə kütləvi davaya çevrilib.
Hadisə zamanı 9 nəfər yaralanıb. Onların 7-si bıçaqlanıb. Yaralılar təcili tibbi yardım briqadaları tərəfindən xəstəxanaya çatdırılıb.
Qeyd olunur ki, bıçaqlanma hadisəsi ilə bağlı polis iki nəfəri həbs edib. Gürcüstan Daxili İşlər Nazirliyindən verilən məlumata görə, Cinayət Məcəlləsinin sağlamlığa ağır zərər vurma maddəsi ilə araşdırma aparılır.
